3028 ... صديقي الاستاذ محمد الصباغ 🎯 ...
الصباغ واتهامات ام كلثوم بالشذوذ ...
انا في تسجيلات تليفونية بيني وبين الاستاذ الصحفي محمد الصباغ محمد الصباغ تتجاوز ال 200 ساعة علي مدار سنوات ويوما ما هاانشرها (( في الوقت المناسب )) لان الصباغ اوقات كتيرة بيقول كلام مهم وخطير واوقات اخري هبد ومبالغات طبعا 😋 ... هو صحفي وكاتب و ناشر مهم لكن هو علي المعاش حاليا 🎯 ويعتبر واحد من اشهر المشاهير في الهجوم علي ناصر والناصرية وكأن في بينهم ثار شخصي (( انا ايضا ضد ناصر )) 🎯🎯 ... هو تقريبا شتم كل رؤساء مصر واغلب الممثلين والمغنيين والمفكرين وهاجم المخابرات ورافت الهجان والوزراء وحرب اكتوبر ووو 😂😂 ... انا كان لي الشرف اني اخليه انه يعدل اوهامه شوية ان حرب اكتوبر تمثيلية وان السادات خائن 🎯 ... انا وهو علي خلاف دائم (( خلاف جوهري )) وانا ضد الخوض في الاعراض عموما وشتيمة المخالفين وهو مش بيقف علي حد صوت و صورة اذا كان واحد ولا واحدة وسلخ ناصر وام كلثوم ومبارك والسادات وووو 🎯🎯 ... و هو احيانا تخصص خوض في الاعراض احيانا دون مراعاة لمشاعر عائلات اللي بيتكلم عليهم 🎯 .. وممكن انا وهو نتخاصم بالشهور ونرجع نتصالح 😂😂 ... كنت دايما اقوله اموت واعرف هم سايبينك ليه يا صباغ الا لو كنت تبع المخابرات او جهاز امني وعايش في دور المعارض لان الطبيعي مكانك السجن يا صباغ 😂🎯 ... ورغم كل ما سبق فالحق يقال هو شاطر جدا احيانا و موسوعي ومعاه ادلة ووثائق مهمة وذكاءه حاد وهو اللي استضاف وزير الحربية شمس بدران في الحوار الشهير في لندن وكان شغال مع الاستاذ عادل حمودة وهو اللي سلط الضوء علي خطابات المشير عامر المسربة قبل ما يقتلوه ووو لذا هو صحفي مهم ومؤرخ مهم رغم اختلافنا لكن الحق حق هو يملك امور هامة 🎯 .. لا حول ولا قوة إلا بالله ولا اله الا الله ...
انا راهنته ان الاستاذ احمد طنطاوي هيتسجن وهو كان مصمم انه تبعهم وتمثيلية وكسبت الرهان 😂😂 وراهنته ان امريكا لازم تضرب ايران ومن قبلها بشهور وهو قال مستحيل وقد كان وكسبت الرهان 💪💪 وراهنته ان منخفض القطارة فاشل وهيترفض وقد كان 🎯 ... هو مؤمن بموهبتي ومشاريعي وشاهد عليها واعطاني من وقته كثيرا بصراحة وانا شاكر له واحنا الاتنين استفدنا من بعض جدا وتبادلنا المعلومات والمعرفة لكن انا عاوز فلوس الرهانات قبل ما تسجنوه 😂 ... انا لسة قافل معاه التليفون حالا وقلت له هيسجنوك يا صباغ فاجهز 😂😂 ... وعشان اسخن القصة واساعد اللي عاوز يعمل الترند قلت اكتب هذا البوست كتسخين لان في صحفيين كتير اصدقاء لي وله لكن ضده 😂🎯 ... الصباغ صحفي محترف ويملك الحجة والجدال لذا الموضوع لن يخرج عن حدوتة ترند وحد عاوز يسيط الصباغ تاني لانه صحفي وصعب سجنه لكن انا حابب اعرفهم ان الاستاذ محمد الصباغ مريض جدا ومش حمل دوشة وبهدلة حاليا و يا تري سكتوا ليه عليه سنين طويلة رغم انه كان بيخوض في امور تمس تاريخنا بل وتمس الامن القومي المصري 🎯🎯 ... حسبي الله ونعم الوكيل ولا حول ولا قوة إلا بالله ولا اله الا الله ...
