3064 ... الحمد لله رب العالمين ...
المكملات الغذائية وسوء التغذية والدليفري ...
كان عندي مشوار الصبح باستلم نتيجة تحاليل والحمد لله كما توقعتها لاني كنت عاوز ارفع مخزون الحديد في جسمي لاني مدمن شاي وكمان عشان كنت مهمل في الاكل بتاعي ساعات بمزاجي وساعات غصبن عني 😅👌 .. فاخدت حقنة في المستشفي كمكمل غذائي لان حقن الحديد لازم تحت اشراف طبي وتكون في محلول والدكتور في المستشفي الخاص قال لي اعمل تحليل بعد 4 ايام وبعد شهر كمان 👌 ... و النتيجة طلعت ممتازة الحمد لله وجسمي استجاب للحقنة كليا وبسرعة ومخزون الحديد ارتفع جدا ما شاء الله لا قوة الا بالله اللهم بارك و هيوصل للطبيعي بعد شهر كما اخبرني الدكتور بعد ما المخزون يتوزع علي الجسم كله👌 ... الحقنة مستوردة وغالية جدا وانا كنت عامل عليها بحث احترافي لان المكملات الاخري بطيئة جدا بعد تجربة والحقنة ب 1600 جنيه 💪💪 ... و طبعا طالما نزلت بالنهار فلازم يا اما اروح اقعد علي كافية واخد كرسي واقعد في الشمس نص ساعة اشرب شاي او اركب المعدية واقف في الشمس لان الشمس مهمة جدا لصحتنا وانا قليل لما انزل بالنهار وبورسعيد جميلة بالنهار ❤️🧡 ... كان يوم جميل ومهم جدا في حياتي وانا سعيد جدا الحمد لله رب العالمين الشافي الرزاق وجميع توقعاتي 😝 لهذا اليوم حصلت وانا عارف ومتاكد ان ربنا معايا وبينجيني 💪👌 .. ساعات الواحد بيرسم لوحة و محدش هيفهم اللوحة الا في الاخر فقط لما اقول خلاص خلصت 😅😝 ... لكن لو اللي بيتفرج ركز مع كل خطوة باعملها ولا هيفهم حاجة وهيركب المراجيح 😅 لاني غالبا بارسم باسلوبي الخاص المتفرد ولا حول ولا قوة الا بالله ولا اله الا الله وانا لله وانا اليه راجعون 🤲🤲 ... لا اله الا الله .. لا اله الا الله .. لا اله الا الله ...
الغرض من هذا البوست مش اني احكيلكم قصة التحليل او الجلوس في الشمس 😅 لكن الغرض من البوست ومن خلال تجربة شخصية (( تجربة شخصية )) اني اقول ان مافيا الادوية في مصر حاليا بيدمروا البلد وصحة الشعب و خصوصا في حدوتة المكملات و الفيتامينات و المستورد غالبا افضل بكثير مع العلم ان اغلب الادوية في مصر مستوردة لكن الكارثة في المواد الخام المستوردة اللي بيتعمل بها الادوية وفي بعض تركيبات الادوية والمكملات نفسها وبتكون غير معتمدة 👌👌 ... عشوائية المكملات الغذائية سوف تدمر صحة المصريين (( عشوائية )) و خصوصا اللي بياخدوها في الصالات الرياضية 👌👌 ... و جميع المكملات الغذائية لازم تكون اما عن طريق بحث شخصي احترافي (( مش اي حد يعرف يعمله )) او تحت اشراف طبيب شاطر مش دكتور تاجر او بلوجر بيعمل دعاية وبياخد نسبة سرا 😝 ... ومينفعش صيدلي يتطوع بعلاج مريض بيشتكي من مرض جدي او دكتور يكتب روشتة علي النت ويقول هذا علاج المرض الفلاني والروشتة التانية علاج المرض الفلاني لان هذا السلوك كارثة 👌👌 ... و الفيصل دائما نتيجة التحاليل وتكرارها والمتابعة والشكاوي الشخصية لكل حالة👌👌 ... وايضا وبالمناسبة عاوز اقول حاجة قلتها هنا كتير وهي ان الاكل الجاهز والدليفري والاكل غير الصحي في المطاعم او في البيوت والمشروبات غير الصحية وعربيات الشوارع ايضا هتدمر صحة ملايين المصريين 👌 .. صحة المصريين اهم من الطرق والكباري لذا التغذية الجيدة والدواء السليم والتوعية مش رفاهية يا حكومة لكن اولوية اولوية 👌👌 ... لا حول ولا قوة الا بالله ولا اله الا الله ... لا اله الا الله ... لا اله الا الله .. لا اله الا الله ...
